曼城半大修數|東方日報

英意德霸權激戰！

今晚英意德三地爆發「霸權大戰」！英超霸權曼城迎戰修咸頓，估吓「鋒霸」艾寧夏蘭特又入幾多球？意甲傳統班霸AC米蘭同祖雲達斯正面交鋒，震動亞平寧；德甲「國家打吡」多蒙特火併拜仁慕尼黑，「蜜蜂兵團」能否扭轉近年對賽頹勢？總之好戲連場，球迷大飽眼福！
近期火力全開嘅曼城，今晚返到聯賽主場迎戰修咸頓。曼城「外星人」艾寧夏蘭特入球能力簡直係黐線，對住近5仗輸4場嘅修咸頓，又係開餐時，「藍月亮」慣打閃擊戰，近4場聯賽主場，半場全開2球或以上，1.5球半場大抵玩。

（Now621周六晚10時直播）
曼城本身主場威力強勁，聯賽主場跨季8連勝，今季有埋夏蘭特更加如虎添翼，佢上場聯賽對曼聯貢獻3入球及2助攻，聯賽已經射入14粒，喺神射手榜遙遙領先，周中歐聯輕輕鬆鬆又起孖，帶領球隊5比0大炒哥本哈根，領隊哥迪奧拿仲錫住用，半場就將佢換走，留力今晚衝過。
修咸頓防守不堪一擊

夏蘭特唔止射術了得，仲要入局快，所以曼城往往好快入到波，近4次主場半場全開2球或以上，今晚對下游嘅修咸頓，相信唔會例外。「聖人」近5場4敗，防守不堪一擊，近4場有3次半場已經失守，對手仲要只係維拉及狼隊等，試問點擋得住曼城，半場大不容錯過。