歐國盃：哈薩克圖創歷史做大事_東方日報

今晚歐國外H組生死戰，斯洛文尼亞主場火併哈薩克。斯軍目前領先對手1分，和波都夠出線，反觀哈薩克必須贏波先可以直接出線，預料會豁出去搶攻，爭取創造歷史成為打入歐國盃決賽周嘅「亞洲球隊」。佢哋跨屆近6場歐國外作客有5次總入球開出3球或以上，可博中位數2.5球入球大。（周二凌晨3時45分開賽）

斯洛文尼亞施斯高腳風順
呢組榜首丹麥已穩奪出線權，剩番一個直接出線席位成為今場兩隊之爭。斯洛文尼亞坐擁RB萊比錫射手施斯高，呢位20歲新星有「新夏蘭特」之稱，今屆歐國外已有4球進帳，哈薩克焗攻之下，防線難免出現空位，隨時令佢有機可乘。

哈薩克地理位置屬於中亞，1991年脫離前蘇聯獨立後，曾經加入亞洲足協，直至2002年「轉會」成為歐洲足協成員。佢哋經過20年嘅磨練，足球水平不斷上升，由魚腩變成有力爭決賽周入場券嘅奇兵。若然哈薩克今場失利，就要轉戰附加賽，贏波則可直闖決賽周，必放手搶攻。事實上哈薩克踢法進取，跨屆近6場歐國外作客，5次總入球開3球或以上，唔難出現入球騷。