新正頭“紅”運當頭

新正頭“紅”運當頭

    恭喜發財，今日大年初一，阿Ben首先恭祝各位波友雞年行大運，萬事如意。大年初一，一定要“紅”運當頭，今日就介紹足總盃第四圈，利物浦主場迎戰英冠的狼隊。

    紅軍在聯賽連續三場失分已跌出前三，聯賽盃又被修咸頓雙殺在四強出局，足總盃可能係克洛普爭錦標另一希望。對住低一級的狼隊，紅軍唔贏都冇得贏。狼隊在英冠排下游，戰鬥力難與紅軍相比，仲要作客晏菲路，必敗無疑。初盤利物浦讓球半／兩球，下仗英超將要火併車路士，紅軍需一場勝仗提升士氣，一於殺破“狼”。

    利物浦雖有文尼要踢非國盃，但其餘主力如古天奴、費明奴、拉蘭拿及奧歷治等攻擊手可隨時候命，至少兩球冇甩拖。

    波係圓嘅，狼隊話晒在上一圈爆冷擊敗史篤城，穩守突擊相當致命，紅軍大舉進攻外，都要警惕。當然，紅軍攻擊力一定比史篤城強橫，狼隊恐怕難有還擊之力。

    推介：利物浦三比〇