金丝雀唔惊太妃糖到访

金丝雀唔惊太妃糖到访

英超第十六轮在周六晚上八点九率先展开1场角逐，保组份子诺域治将坐镇主场迎战中游队伍爱华顿。过去10轮联赛金丝雀只赢过1场，现在还同身处降班区域嘅纽卡素同分，抢分对于球队来说已经刻不容缓，即使今仗面对近况尚可嘅太妃糖，金丝雀实会好似「饿狗抢屎」咁。

早前史云斯解雇领队蒙克，后者成为今季英超第四位被解雇嘅领队，此举为A.尼尔敲响了警钟，唔想成为第五位失业嘅领队，A.尼尔必须尽快带领金丝雀返回正轨。金丝雀近6轮联赛有多达3场食白果只攻入3球，不过睇下佢地嘅对手有阿仙奴、车路士以及曼城此等劲旅，咁又五怪得球队表现糟糕嘅。而有一项数据证明金丝雀面对强队时都无放弃比赛，就系面对上面所讲嘅3支劲旅金丝雀都赢盘。不过近2仗联赛都担任正选嘅前锋格纳班要尽快为金丝雀攻击线搵返入球感觉先可以保住自己嘅正选位置，所以上仗主场面对兵工厂有入波嘅佢今仗绝对不会脚软。而早前金丝雀曾喺英联杯第四圈作客挑战太妃糖，当时球队还一度将比赛拖到十二码大战，但最终饮恨被淘汰，阵中球员实会心有不甘，本轮回到主场迎战太妃糖，抢分欲望强烈嘅金丝雀势必以报仇为目标。阵容方面，只有中场查域斯因伤倦勤。

太妃糖拥有15场联赛射入11球嘅卢卡古呢张王牌，喺佢带领之下，球队已经连续5轮联赛保持不败，当中射入15球。不过太妃糖过去3场联赛作客都赢唔到波，最近1次作客还俾升班马般尼茅夫「黑色10分钟」导致有接近45分钟时间领先2球嘅佢地最终只收获1分。作客表现唔稳定始终系太妃糖嘅硬伤，球队过去3次走访金丝雀无一胜绩，当中每场都被金丝雀入2球，后防最值得依靠嘅查积尔卡今仗继续喺伤兵名单当中，加埋东尼希拔和布朗宁，宜家3位伤兵都系后卫，还有中场大将占士麦卡菲今仗同样因伤无法出战，领队R.马天尼斯确实要谂下计。