日聯攻略︰紅鑽齊腳誓挫砂岩

日聯攻略︰紅鑽齊腳誓挫砂岩

 浦和紅鑽挾着在日聯盃八強淘汰神戶勝利船的餘威，在周六的日聯迎戰鳥棲砂岩時又有一眾日本國腳踢罷世盃外歸隊，預計紅鑽可以順利再勝一仗；「讓球」紅鑽讓半/一，上盤要捧。（球賽編號：星期六12；有線61及201台今日6:00pm直播）
 一眾東瀛國腳歸隊
浦和紅鑽在聯賽連輸兩場後，與川崎前鋒同得22分，但因得失球差不及前鋒，目前在今季次階段暫排第二位。紅鑽今役迎砂岩時亦會力爭三分，以免被前鋒拋離。雖然紅鑽於聯賽連續兩場失分，但他們剛於日聯盃八強次回合主場以4:0挫神戶勝利船，兩回合計以6:1晉級，故近況其實不俗，士氣亦好。在周六迎砂岩時，紅鑽陣中一眾日本國腳如中場柏木陽介、後衞遠藤航及門將西川周作亦已踢罷世界盃外圍賽歸隊，配合主力如前鋒武藤雄樹等，就算有中場梅崎司受傷缺陣，今役仍絕對有力擊敗砂岩。
 經過今季首階段於18隊中僅排15位之後，鳥棲砂岩在次階段表現有大幅進步，目前以10戰得21分排第三，僅落後紅鑽及前鋒一分，而且今役有門將林彰洋踢罷世盃外歸隊，受讓半/一，下盤似乎甚「筍」。不過，砂岩有中場金民友在上仗日皇盃中勇戰受傷，今役預計缺陣，而且球隊作客表現不及主場，今役不宜過份高估。
「讓球」紅鑽讓半/一，捧上盤相信起碼贏半個盤；波膽方面，則可以考慮紅鑽勝2:0，因為在次階段10場聯賽中，紅鑽則有三場以該比數擊敗對手。