巴保聯攻略︰伊圖諾主場穩劏「牛」

巴保聯攻略︰伊圖諾主場穩劏「牛」

巴保聯最後一輪賽事周三上演，伊圖諾力爭最後一個晉級淘汰圈的席位。他們迎戰巴西紅牛，勝算較高，一來他們主場表現佳，二來紅牛已失去出線希望，戰意成疑，所以今仗宜撐主W！
八個晉級巴保聯淘汰圈的資格中，有七個已經塵埃落定，只餘下A組的保地花高SP與伊圖諾競爭最後一個席位。保地花高暫有16分，領先伊圖諾三分，換言之今輪伊圖諾不但要寄望保軍輸，還要自己爭氣大勝，追趕得失球差；現時保地花高的勝出場數比伊圖諾多一場，在得失球差方面，保軍為+3而伊圖諾為-1。在背水一戰的形勢下，伊圖諾周三在主場面對巴西紅牛定會使出渾身解數爭勝。
 射手施美奧大勇
雖然伊圖諾上輪作客以1:3不敵費路維拉亞，但伊軍的主場表現比作客好，今季五場主場取得三勝一和一負，其中三場保持不失，包括月中迎戰利倫斯時，靠伊戈梅開二度，大勝5:1。在季初，伊圖諾更加以1:0贏過應屆巴甲冠軍彭美拉斯，並以0:0守和巴甲亞軍山度士，可見伊軍主場出戰踢高一班。再者，射手威靈頓施美奧腳風亦順，近四場比賽攻入三球；在戰意高昂下，料伊軍可藉主場優勢全取三分。
紅牛今仗戰意成疑
紅牛暫以12分排B組第三位，落後聖保羅及利倫斯五分，無緣爭入小組前兩名躋身淘汰圈。雖然紅牛數字上仍有降班可能，但機會較微，要榜尾幾隊一同獲勝才會出現，所以紅牛的戰意肯定不如伊圖諾。紅牛今季作客勝率低，五場客場一勝兩和兩負，其中三場作客都沒有入球。此外，由於伊圖諾需要一場大勝去追趕得失球差，所以除主W外，不妨冷敲伊軍[-1]「主勝」。