金盃攻略：博庫拉索[+1]冇黐「牙」

金盃攻略：博庫拉索[+1]冇黐「牙」

要數今屆美洲金盃黑馬，前荷蘭屬地庫拉索可算其中一隊，挾加勒比海盃冠軍餘威，C組首戰牙買加並不輸蝕，捧「讓球主客和」[+1]「主勝」。
 由於庫拉素與荷蘭關係，荷蘭射手古華特一度擔任庫拉素國家隊教練，依靠他在荷蘭的人脈及名氣，從歐洲招來不少球員代表庫拉索，包括前修咸頓後衞古高馬天拿（紅衫）、維拉中場巴根拿等。雖然今次是庫軍自1973年後再度出戰金盃，不過球隊近況甚佳，六月就捧得加勒比海盃，決賽就是擊敗今仗對手牙買加，世界排名升至68位，今屆賽事只有墨西哥、美國、哥斯達黎加及巴拿馬四隊高過庫軍，以馬天拿、巴根拿，以至一眾荷蘭搵食球員為骨幹，力足首戰保不敗。
牙買加世界排名76位，比庫拉素低八位，大部份國腳來自本土聯賽。牙買加今年只嘗擊敗洪都拉斯，面對美國、秘魯均落敗，今仗難讓庫軍。