日皇盃大勢︰飛腳「大」鬥市原求反底

日皇盃大勢︰飛腳「大」鬥市原求反底

周三進行日本天皇盃第三圈，在日聯兩連敗的大阪飛腳會造訪日乙的千葉市原。聯賽級別不同，飛腳實力必高一班，亦矢志反彈，但市原近三場日乙入了14球，鋒線大勇，預計雙方會「駁火」多入球，1.62倍的入球「大」是首選。
 飛腳在上一圈日皇盃3:0大勝日足聯（日本聯賽第四級別）球隊大分赤溫泉，並非以超弱陣出擊，雖然遠藤保仁及長澤駿等必然主力休息，但像今季演出不差的中場泉澤仁及藤本淳吾均正選上陣，踢箭頭的是巴西外援艾迪美臣巴拉加，攻力有保證。市原近三場聯賽合共入了14球，其中阿根廷外援拉里維入了六球，但同樣失球亦多達八球。既然入得又失得，今場「大細」中位數為2.5球，敲「大」冇走雞。
同日，鹿島鹿角作客日乙三連敗的山形山神，半力造訪也游刃有餘，客W太熱下，不如博鹿角[半勝]。
賽制：若在90分鐘內打成平手需加時，如加時再和，則互射12碼決勝。