歐霸外大勢︰加拉塔沙雷讓唔起

歐霸外大勢︰加拉塔沙雷讓唔起

土超勁旅加拉塔沙雷在歐霸盃外圍賽第二圈亮相，作客瑞超的奧斯達辛斯，雖然實力在對方之上，但始終未開季不宜高估，讓平/半太多，敲下盤為妙。
加拉塔沙雷對上兩季未能在土超稱霸，上季只得第四，僅獲一席歐霸外資格。球隊目前由前克羅地亞國腳杜陀領軍，而今夏雖有普多斯基轉投神戶勝利船，但已簽入三名新兵，最大牌應是「鐵血戰士」巴菲迪比高美斯；這位中鋒上季從史雲斯借回法甲馬賽，32場聯賽入20球，可望強化球隊鋒力，但問題是他只在最近友賽迪奧斯捷爾後備上陣27分鐘，今場或再做後備。
 奧斯達辛斯因今年在瑞典盃封王，歷史上首次參與歐霸外。實力上，奧斯達辛斯必弱過加拉塔沙雷一截，但勝在征戰瑞超中，球員狀態必好過敵軍，而且最近已六場正式比賽不敗；加上首次亮相歐洲賽事，有一定戰意，分分鐘有意想不到收穫，主場受讓平/半，下盤要捧。
另一場推介，是愛超的曲克城迎戰上季塞浦路斯甲組聯賽亞軍AEK拉亞拿卡，客軍有多達12名西班牙球員在陣，大部份都有西甲作賽經驗，其中一位是前曼城左閘加列度，平手盤宜敲AEK。