日聯攻略︰紅鑽冇前冇後難讓櫻花

日聯攻略︰紅鑽冇前冇後難讓櫻花

大阪櫻花今屆回升日聯後，越踢越好，目前更高踞榜首。在周六的聯賽迎戰前冠軍的浦和紅鑽時，就算櫻花未能「夫添」，但以他們目前的走勢及士氣，主場出擊有十足本錢取分，受讓平/半下，必捧櫻花下盤。
 
櫻花主場硬淨
櫻花雖然只是以日乙殿軍的身份回升日聯，但今屆表現卻令人眼前一亮，目前以11勝5和2負得38分領導群雄。不過，由於櫻花只領先次席的鹿島鹿角一分，並只多第三位的川崎前鋒三分，為鞏固榜首優勢，今迎紅鑽時必拼。
櫻花今役雖然有星級中場清武弘嗣因傷缺陣，但前鋒杉本健勇腳風頗順，夥拍山村和也亦見合拍，配合主力如中場伊利亞斯蘇沙等，今役勝望濃。畢竟，櫻花今季主場特勁，今季主場14場有競賽意義比賽共獲11勝3和。
反觀紅鑽，球隊今屆表現反覆，目前以18戰得29分排中游，近六場聯賽更只得兩勝四負，而且後防更連續11場聯賽失波，今役有前鋒李忠成因傷缺陣下，連攻力亦有所削弱，就算主力如興梠慎三等可以候命，亦不宜過份高估。