西甲攻略：大勇皇馬「拉」唔住

西甲攻略：大勇皇馬「拉」唔住

上季西甲冠軍皇家馬德里，周日展開衞冕第一擊，作客拉科魯尼亞；皇馬雖有基斯坦奴朗拿度（C朗）停賽，但球隊已建立超強輪換陣容，艾斯高、馬高阿辛斯奧等土炮亦勇，今仗讓得起一球/球半捧上盤。（球賽編號：星期日68；now632台明日4:15am直播，此場設有特別項目投注）
上季西甲及歐聯冠軍皇馬，開季已展示王者本色，先挫曼聯勇奪歐超盃冠軍，西超盃面對老對手巴塞隆拿，竟然可在兩回合均贏波下，以5:1大勝對手捧走西超盃。球迷或者擔心C朗缺陣問題，不過教練施丹由上季開始，已經建立一個極有效的輪換系統。21歲新星馬高阿辛斯奧兩回合均在巴塞身上取得金球，此子不論正選還是後備，都產生極大威脅，而艾斯高續約皇馬後，已漸見領袖本色，加上一眾天份極高的盧卡斯華斯基斯、丹尼施巴路斯等土炮，施丹根本不用為C朗缺陣而煩惱。
拉科上季僅以16位完成聯賽，球隊仍以前西布朗領隊美爾為教練，班費有限下，擴軍能力亦不高，雖然有意從阿仙奴簽回射手盧卡斯佩雷斯，但因轉會費未傾妥，交易未能落實。今季失去柏保路恩素亞、卡古達等球員後，拉科只簽回古靴美托里斯、法比安舒哈等實力一般戰將。以季前友賽所見，拉科近兩仗不勝兼大敗予波圖，整體戰力未見提升，今仗面對已經上力的皇馬，不值支持。