歐聯攻略：車仔羅馬做「大」龍鳳

歐聯攻略：車仔羅馬做「大」龍鳳

周三歐聯分組賽C組大戰，車路士主場迎戰羅馬。兩隊皆受傷兵問題困擾，今場碰頭可望出現大手交易戰果，熱捧入球[2.5球]「大」。（球賽編號：星期三4；有線61及201台明日2:45am直播）
 兩隊同樣剛於上輪本土聯賽吃敗仗，爭取在英超衞冕的車路士，上周六作客出戰賽前全敗兼未有入球的榜末球隊水晶宮，爆冷負1:2，遭逢兩連敗；羅馬則在意甲前列大戰，於主場0:1不敵拿玻里。
不過車路士在歐聯表現不俗，分組賽兩戰全勝。車仔中場尼高路簡迪養傷，無疑有一定影響，幸好前場主力艾華路莫拉達已經復操，配合陣中頂級進攻球員夏薩特，加上柏度洛迪古斯預計會在今場復任正選，火力仍強。
羅馬傷兵頗多，前鋒艾沙拉維、迪費爾、柏德列舒希克、中場史杜特文以及守將艾馬臣柏美尼仍在養傷，另一後防文奴拿斯亦在上場聯賽拉傷肌肉，預計同樣無緣在今場候命。球隊實力受大副削弱，今場面對車路士難保清白之身。羅馬一向攻強守弱，雖然鋒線不少主力未能候命，但陣中仍有曾在英超搵食的迪斯高，後者在今季意甲已入七球，造訪車路士，入球不少。