李斯特城大起蘭達斯|東方日報

周五凌晨歐協聯淘汰圈附加賽首回合，李斯特城主場對丹麥球隊蘭達斯。「狐狸」近期走勢低迷，轉戰歐協聯都會盡力搶攻，希望入多啲波振奮士氣，中位數2.5球入球大可取。（Now643周五凌晨4時直播）

羅渣士保飯碗唔衰得
「狐狸」各項賽事5場不勝，領隊羅渣士承受被炒壓力，今晚出戰歐協聯，由於呢項賽事對手實力相對較弱，相信「狐狸」都會喺陣容上作相應調整，但為鞏固帥位，羅渣士肯定落「柯打」要球隊盡力搶攻爭勝，唔可以再有任何差池。

蘭達斯喺歐協聯D組獲得次名，要踢今晚附加賽，佢哋啱啱經過超過兩個月歇冬期，論狀態肯定不及對手。蘭達斯出戰歐協聯嘅6仗賽事場場有失波，防守唔多可靠。既然李斯特城近4場歐洲賽，3次總入球達4球或以上，加上整體實力始終優於對手，要爭士哥絕對冇難度，一於吼實大盤。