巴塞“華” 麗翻身|澳門日報

巴塞“華”麗翻身

西甲巴塞繼續為前四努力。巴塞羅那作客華倫西亞，主隊近況麻麻，巴塞近期聯賽表現不俗，今戰鬥蝙蝠兵睇好贏波而回。

巴塞自沙維回歸後，聯賽表現有提升，近八場不敗四勝四和。巴塞經過冬窗增兵後，戰力有明顯提升，幾名新兵表現對辦，泰奧利、F托里斯連同迪莊、加維等進攻，巴塞近三戰聯賽攻入七球火力不俗。不過巴塞防線有比基停賽，阿羅祖有傷上陣成疑，加西亞表現麻麻，防線整體發揮平平。蝙蝠兵近況麻麻，但今場仍有主場地利，古迪斯、卡路士蘇拿等領軍戰力不俗。巴塞作客爭勝亦難度十足。

蝙蝠兵近期表現回落，爭歐戰席位一再受挫，主帥保達拉斯仍有信心：“沒有甚麽是不可能，雖然從目前數字上，我們想爭取歐戰席位，確實是非常困難。但我們需要對自己有信心，首要目標先踢好眼前的每一場，爭取更多分數。”

西維爾進擊愛奴

西維爾作客愛斯賓奴。西維爾近況回勇，聯賽兩連勝，加上皇馬失分，西維爾追至落後榜首四分，狀態士氣正好。西維爾有恩尼斯里、拿傑迪、A高美斯、門將保奴等掛帥，整體實力佔優。雖然愛斯賓奴上輪逼和巴塞，射手迪湯馬士亦有態，但西維爾人腳狀態均有優勢，作客睇好再搶一勝。