名牌球隊對決鹿角恰慣飛腳|東方日報

今午日聯盃A組有場名牌對決，鹿島鹿角主場迎戰大阪飛腳。兩隊上屆日聯盃同於8強出局，今屆開局成績未如理想，必須力爭勝仗，睇番兩隊近年交手頗有「格食格」味道，鹿角近3次交手全勝，信數據揀主W。（周六下午2時開賽）

飛腳聯賽都未踢得掂
鹿角同飛腳都係日職爭標分子，鹿角上季排第4，飛腳上季受疫情影響跌出前10。今季鹿角由瑞士主帥韋拿執教，雖然佢之前幾場未能領軍，但球隊一改季初失準毛病，喺日職5仗豪取4勝，不過喺日聯盃僅得1和1負，如要爭取出線必須發力搶分，該隊近3仗對飛腳全勝，球員心理上有優勢，今場搶分大戰更大把握。

飛腳於2014年取得日職、日聯盃及天皇盃「三冠王」，但近年好景不再，名帥宮本恒靖更於上季季中落台，今季改由大分三神來投嘅片野知宏執教，但季初成績未見改善，聯賽5仗僅得5分排中下游，日聯盃亦僅得1和1負與鹿角同分，依家睇嚟飛腳要將注意力放在聯賽搶分，日聯盃可能會擺埋一邊，令鹿角更有取勝機會。