埃及塞內加爾半場講和|東方日報

世盃非洲區最後5個決賽周出線席位亦會喺今日決出，當中最矚目當然係塞內加爾主場迎戰埃及，首回合埃及領先1比0，今場輪到塞內加爾絕地反擊，不過塞內加爾踢法慢熱，近8仗6次開半場和，捧半場和好過。（周三凌晨1時開賽）

世盃外非洲區第三圈賽制似未改制前嘅歐聯，兩回合打和計作客入波較多一隊勝出，加時都計作客入球優惠。5場首回合全部開2球或以下，同非國盃決賽周一樣，旺開細。埃及上仗憑對方嘅烏龍波贏1比0，今場只要守住唔輸就可出線。

怕失作客球塞軍唔敢谷
塞內加爾今場焗住搏命，但如果先失作客入球，就要入3球先掂，相信佢哋亦唔敢谷得太前。睇番塞內加爾近8仗6次開半場和，而且呢6場半場都係0比0，「紅軍孖寶」穆罕默德沙拿同沙迪奧文尼（圖）邊個有得參加決賽周就要打過先知，但今場投注梗係追多次半場和。