賓森馬又戴帽皇馬拆車|市民日報

　　西甲皇家馬德里周三在歐冠盃8強首回合比賽，憑著賓森馬連續兩場歐冠盃大演帽子戲法，作客以3：1擊敗上屆冠軍英超車路士，車仔衛冕路途出現重大危機；而奪標熱門德甲拜仁慕尼黑則意外的客場以0：1不敵另一支西甲維拉利爾。

　　皇馬作客車仔之戰，由華維迪、賓森馬及雲尼斯奧斯組成前鋒線，車仔則由夏維斯掛帥；皇馬儘管控球率以43%對57%落後，射門更以8次對20次大幅度落後，但中龍同是5次，反映皇馬埋門是更具效率；事實上，其快速突擊是極具威脅，尤其是上半場，雲尼斯奧斯不斷在左路策動攻勢，開賽後僅10分鐘便射中楣，但在21分鐘，皇馬終打開紀錄，雲尼斯奧斯左路傳中，賓森馬近柱頂入。3分鐘後，皇馬即增添紀錄，摩特歷右路傳中，賓森馬近門頂入，車仔完全未能盯緊該名法國國腳。到完半場前5分鐘，車仔追回1球，佐真奴右路傳中，夏維斯頭槌攻門，皇馬門將高圖爾斯雖觸及皮球，但仍告入網。兩分鐘後，皇馬差點拉開比分，但今次賓森馬近射斜出。半場車仔以1：2落後。到下半場，車仔以薛耶治入替不穩的基斯甸臣，另以高華錫替代簡迪，改由列斯占士扼守右閘，以改善後防，豈料開賽僅約40秒，門將艾度亞文迪即送大禮，回傳魯迪加乏力，魯迪加解圍時遭賓森馬逼甩，輕鬆射入空門，繼在上場16強賽次回合對巴黎聖日門後又戴帽。車仔突被拉開比分，士氣受挫，其後艾斯派古達的勁射被高圖爾斯救出。及後，車仔再換入盧卡古，但該名前鋒卻近頂斜出失機。另列斯占士的射門又被高圖爾斯撲出。到補時階段，另一名後備兵薛耶治近門射高，未能追成較接近比數，要在次回合逆轉有極大難度。

　　至於拜仁作客維拉利爾，在表現失準下以0：1敗陣，丹祖馬在上半場8分鐘為主隊奠定勝局。

　　狼隊態佳可拆紐

　　英超聯賽周五安排了1場比賽，由紐卡素主場迎戰狼隊，紐卡素近況回落，面對爭奪下屆歐洲賽參賽席位的狼隊，恐怕會遭逢連敗的厄運。

　　狼隊在英超以51戰得49分排第八，仍要為下屆歐洲賽的參賽席位而戰，球員的戰意絕無疑問；事實上，球隊近況亦不差，近4場比賽贏了3仗，同時，今屆首循環超聯與紐記對碰時亦獲勝，今仗值得被看好；相反，以30戰得31分排第十五的紐卡素，近況回落，近3場英超全敗，相信與球隊已基本上脫離降班威脅戰意鬆懈有關，但無論如何，對士氣是有一定影響，今仗面對強勢的狼隊，相信難逃一敗。其他賽事可以敲雷根斯堡、伊高斯。