悉尼阿聯鬥攻開大騷|東方日報

兩軍為保季後賽資格
澳職季後賽資格爭逐激烈，目前同分排第4、5位嘅FC悉尼同阿德萊德聯，星期二會正面交鋒，兩隊上一輪齊齊贏波反彈，為保前6位置肯定會盡力爭勝全取3分。FC悉尼主場向來主動出擊，對住鋒線回勇嘅阿德萊德聯，相信會製造唔少入波機會，中位數2.5球入球大值得捧場。（myTVSUPER周二下午5時05分直播）

FC悉尼近4主場入13球
FC悉尼今季表現飄忽，不過近期狀態開始回升，上仗作客5比0大破中岸水手，英格蘭前鋒方祖大演帽子戲法，拎番唔少信心。FC悉尼近期主場醒神，近4仗主場有3勝1和，合共入咗13球波，火力相當驚人，球隊近5仗主場總入球全開3球或以上，呢條攤路值得再追。

阿德萊德聯經歷4場不勝後，上仗贏FC麥克阿瑟重響勝鼓，首席射手指宿洋史打破超過1個月入球荒，翼鋒奇治葛雲有100%過人成功率，交出4次關鍵傳送同有1次助攻，佢同指宿洋史嘅回勇，將成FC悉尼後防心腹大患，兩隊都希望全取3分鞏固季後賽資格，今場會大踢進攻足球。