4強次回合米蘭雙雄細均力敵|東方日報

周三凌晨意盃4強次回合，國際米蘭同AC米蘭再演「米蘭打吡」激戰，兩隊首回合踢成0比0平手，意甲冠軍爭逐同樣勢均力敵。兩支米蘭勁旅喺季尾衝刺，不約而同以鞏固防守為主要踢法，務求喺不容有失嘅情況下穩中求勝，今場生死戰預料亦會以防守為主調，2.5球入球細值博。（有線661及601台周三凌晨3時直播）

國際米蘭自歐聯出局後，近期戰績穩步上揚，今個月連贏祖雲達斯、維羅納同史柏斯亞3連勝。國米最大優點係防守力強，近9場比賽有6場保持不失球，雖然入球能力唔見得好強，今年只有2仗在法定時間內入多過2球，導致近13仗有11仗總入球開2球或以下。

AC防守有料到
AC米蘭同樣以防守作為爭冠基礎，近7場比賽雖然只有5個入球，但呢7場比賽竟然全部保持清白之身，防線稱得上係滴水不漏。今場「米蘭打吡」關乎決賽資格，雙方會踢得更加謹慎，預料入球機會相當有限，入球細穩開。