愛華頓主場旺細持續|東方日報

今晚英超仲有場搶分戰，愛華頓主場迎戰李斯特城。「拖肥糖」上仗主場擊敗曼聯，林柏特帥位暫時得保，今場勢必乘勝追擊，佢哋主場特別穩陣，近5仗主場全開2球或以下，加上對手「狐狸」7日內踢3場已成疲兵，相信惡唔出樣，吼實2.5球入球細。

（Now623周四凌晨2時45分直播）
愛華頓早前經歷3連敗，包括英足盃出局，聯賽不敵般尼後更令林柏特帥位動搖。幸好上仗踢咗場救命波，憑安東尼哥頓一箭定江山，1比0擊敗曼聯全取3分，護級壓力暫緩，不過佢哋只係領先尾3嘅般尼3分，降班危機未解除，今晚主場出擊要繼續搶分。

李城7日3戰踢到殘
李斯特城位處中游，不愁降班，佢哋喺歐協聯殺入4強，相信今季將以此盃賽為目標。上仗聯賽作客1比2不敵紐卡素後，今仗再作客愛華頓，係佢哋7日內第3仗，賽程太密好難回氣，射手占美華迪繼續養傷缺陣更難有作為。預計愛華頓可主導比賽，目標穩中求勝，加上佢哋主場旺細盤，值得再追。