國米半和博得過|東方日報

作客飄忽球員入局需時
今晚意甲補賽，博洛尼亞主場挑戰國際米蘭。衞冕嘅國米雖然5連勝，但博洛尼亞踢法硬淨，已經連續7場開出半和，國米想由頭贏到落尾有難度，半場和追得過。（Now638周四凌晨2時15分直播）

意甲冠軍爭逐進入白熱化階段，國米暫時少踢一場落後AC米蘭2分，今場要贏波先可以重返榜首。不過佢哋作客表現飄忽，近6場聯賽作客只取得兩勝，夾埋攻入6球，其中只有兩球係喺半場前攻入，可見球員作客面對防守能力較強嘅對手時，上半場每每顯得朿手無策。

博洛尼亞踢法硬淨
博洛尼亞目前身處中游，基本上冇乜降班危機，佢哋近期表現相當硬淨，已經保持4場不敗，曾先後打和AC米蘭同祖雲達斯兩支前列勁旅，球員信心十足，證明有力同強敵周旋。博洛尼亞上半場防守特別專注，連續7仗開出半場和，只係上輪對烏甸尼斯失過一球，其餘6仗全部同對手半場踢成0比0，有本錢頂住國米攻勢，半場和值得跟進。