1球在手勝利細盤睇定食|東方日報

今日下晝澳職季後賽4強次回合，墨爾本勝利返主場再鬥西部聯。墨爾本勝利於首回合作客淨勝1比0，今仗必以保住優勢為大前提踢穩陣波，何況西部聯攻力死晒火，想收復失地唔易，2.5入球細捧得過。

（無綫85台周六下午3時15分直播）
首回合雙方都踢得小心翼翼，令戰情處於膠着，去到下半場中段，勝利靠中場積基比廉馬神來之筆，一記遠射靚波破網，先至險勝1比0。勝利上次殺入季後賽決賽要追溯至2018年，當屆更擊敗紐卡素噴射機封王，既然依家領先1球，今仗唔使急於搶攻，何況勝利今季常規賽只失25粒，失球之少冠絕澳職，絕對有本錢保住優勢，睇定嚟食。

西部聯前線死晒火
另一邊廂，西部聯首席射手阿歷山大比祖域早前頻有士哥，但近5仗僅入1球，腳風欠順，箭頭雲素賀爾斯今季只得4球進帳，加上老將迪亞文迪無復當年勇遭棄用，難怪西部聯近6仗入得5球咁大把，其中5仗開2球或以下，想攻破近16仗聯賽未輸過嘅勝利大門，恐怕有心無力，加上近4次碰頭，亦有3次開2球或以下，細盤更可取。