阿聯對賽醒讓客有收城|東方日報

今日中午續有澳季後4強次回合，墨爾本城硬撼阿德萊德聯。首回合雙方互交白卷，雖然墨城決心蟬聯季後賽冠軍，但今季遇強表現未如理想，近4次鬥阿聯未贏過，加上淘汰賽場合謹慎行先，阿聯受讓必捧讓球客勝。（myTVSUPER周日中午12時05分直播）

雖然墨城連續兩季稱霸常規賽，不過今季要去到尾輪擊敗威靈頓鳳凰2比1，先至壓倒墨爾本勝利奪冠，同上季早早甩開，氣勢大不如前。墨城日前喺季後賽4強首回合稍佔上風，可惜納博特、干拿麥卡菲同占美麥卡倫嘅連番轟炸，均被阿聯門將祖高斯化險為夷，似乎腳風欠順。

季尾大勇近7仗不敗
阿聯季尾狀態大勇，連同首回合在內，近7仗豪取6勝1和，其中4仗保持清白身，不過距離決賽只差一步，必定小心為上。何況墨城遇強表現走樣，今季13次面對常規賽前4名球隊，竟然未嘗1勝，包括4鬥阿聯只得3和1負，今仗為免有所閃失唔敢輕舉妄動，阿聯對賽不落下風，挾近期旺勢絕對唔赦墨城，仲有得受讓咁筍，讓球客勝不容錯過。