古里高聯開大有保證|東方日報

周六早上智甲獨腳戲，古里高聯主場迎戰下游分子哥甘保。力爭自由盃席位的古里高聯，近期踢法十分開放，面對踢法同樣有前冇後嘅聯賽新軍哥甘保，兩軍有望再演入球騷，中位數2.5球入球大值得再追。

（周六早上8時27分開賽）
古里高聯近3場聯賽兩次吞下敗仗，現時喺積分榜被3支爭標分子拋離，為力爭來屆自由盃資格，仍要繼續努力。上場喺領先情況下，古里高聯被前列球隊紐柏萊斯連追3粒，最終輸波收場，而且近4場波都冇辦法保住清白之身，防線表現欠穩，呢場主力守將卡夏斯要坐波監缺陣，後防甩漏情況隨時加劇。可幸古里高聯攻力有保證，聯賽至今攻入25球，屬聯賽入球數第二高嘅球隊，古里高聯呢場想重回勝軌，必定空群而出搶攻。

兩軍同樣入得又失得
今季升班嘅哥甘保，上場以2比4輸畀艾斯賓路拿，近3場全敗之餘，今季作客至今未贏過波，走勢低迷。不過唔代表球隊冇能力同強隊周旋，高踞射手榜前列嘅主力前鋒阿布里高，今季已斬獲10球，腳風幾順，證明哥甘保進攻係有啲計。呢支升班球隊近4仗全開3球或以上，踢法開放，今場大盤唔好錯過。