高手過招步步為營 蔚山現代細守城池|東方日報

韓職今日上演前列大戰，榜首蔚山現代主場火併上季冠軍全北汽車。蔚山現代各項賽事4連勝，走勢凌厲，至於全北汽車近10場聯賽僅1敗，表現韌力十足，高手過招往往特別謹慎，預料會出現拉鋸局面，加上全北汽車近6場聯賽總入球全開2球或以下，一於再追中位數2.5球嘅入球細。（無綫85台周日下午5時直播）

蔚山現代今季15場聯賽獲得11勝3和1負，表現一枝獨秀，但要留意佢哋甚少大勝，上次主場出擊，踢到補時先至以1比0擊敗另一前列球隊濟州聯，今仗遇到傳統勁敵全北汽車，未必可以佔到太大優勢。特別係蔚山現代喺聯賽榜已經大幅拋離其他對手，搶分決心成疑，唔會急於求勝。睇番蔚山現代防守穩陣，近4場只失1球，應可力保不敗。

全北汽車作客有料到
全北汽車上仗主場0比2不敵濟州聯，連續9場聯賽不敗走勢告終，難免對球隊造成打擊。不過，該隊吸取教訓後，相信今仗會打醒十二分精神，避免重複犯錯。事實上，全北汽車踢法四平八穩，近5場聯賽作客全勝兼不失球，其中4場贏1比0，有力同蔚山現代抗衡，屬於五五波，博入球細為佳。