彭美拉斯態勇客聖有計|東方日報

聽朝巴甲獨腳戲爆前列大戰，聖保羅主場火併彭美拉斯。聖保羅雖有射手卡里利助陣，但接連失分信唔過，相反榜首彭美拉斯愈戰愈勇，客場更連場報捷特醒，今仗有力反客為主，客勝有計。（周二早上7時開賽）

防守穩近15仗贏13場
聖保羅雖有位處神射手榜榜首的卡里利在陣，但球隊狀態低迷，近5仗聯賽僅1勝，上周中作客弱旅保地花高亦以1球敗走，表現差強人意。事實上聖保羅12仗聯賽僅獲4勝，和波偏多，主場出擊亦靠唔住。

另一邊廂，彭美拉斯勇達巔峰，連同盃賽在內，近15仗豪取13勝2和不敗佳績，除咗喺聯賽領導群雄外，喺自由盃分組賽更6戰全勝，昂首殺入16強，真係勒都勒唔住。一眾中前場球員均交足貨，防線亦固若金湯，開季後12輪僅失7球，係巴甲唯一失波仍屬個位數嘅球隊，絕對係攻守兼備。同時要留意，彭美拉斯客場特醒，各項賽事作客6連勝，狂轟16球僅失2球，包括近3場聯賽客場贏晒，弗到冇朋友，聖保羅今仗凶多吉少。