蔚山一肚氣搵「私房菜」首爾祭旗|東方日報

今晚韓職尾場之一，ＦＣ首爾主場硬撼榜首蔚山現代。蔚山現代今季表現出色，單計聯賽客場豪取4連勝，加上日前意外輸波，谷埋一肚氣，誓要搵「私房菜」ＦＣ首爾祭旗，讓平半照捧上盤。
（myTVSUPER周三晚6時30分直播）

客戰更加醒神
蔚山近年每每虎頭蛇尾，連續3季聯賽畀全北汽車後上封王，為免重蹈覆轍，今季一開咧即瘋狂搶分，務求盡快放甩其他對手。蔚山上仗主場倒灶不敵全北汽車1比3，查實佢哋全場圍攻對手，表現冇乜走樣，況且蔚山作客特別醒神，連盃賽在內客戰4連勝，今仗收起輕敵心態更值信賴。

ＦＣ首爾近年浮浮沉沉，目前只位處中游。佢哋防守差勁，連同盃賽在內，近8仗只得兩場冇失波。翻查紀錄，兩軍近8次正面交鋒，蔚山現代取得7勝1和未輸過，擺明格食格，挾客場4連勝之勢，遇上「私房菜」有力再下一城，上盤有計。