柏雷素爾打翻身仗唔怕鹿角|東方日報

今日日職柏雷素爾主場迎戰鹿島鹿角，雖然柏雷素爾上仗作客慘吞橫濱水手4蛋，但佢哋近4仗主場出擊全勝，今場勢必把握地利打翻身仗。聯賽2哥鹿島鹿角近4仗聯賽作客不勝，讓唔起對手，一於捧柏雷素爾讓球主勝。
（有線662及602台周六下午5時30分直播）

主場特醒4連勝
柏雷素爾早前一度踢出5連勝走勢，直至上仗不敵橫濱水手先斷纜，今仗會打醒精神，避免重蹈覆轍。事實上柏雷素爾主場4連勝合轟9粒，絕對有力反彈。

鹿島鹿角現時落後榜首橫濱水手3分，需要搶分爭標，可惜佢哋狀態低迷，近5場聯賽僅一勝，近4場聯賽作客亦只得2和2負，加上對上一次作客柏雷素爾以1比2敗陣，今仗仲要讓波，梗係捧對家。