哥列迪巴搶分精打細算|東方日報

聽朝巴甲獨腳戲，哥列迪巴主場鬥山度士。哥列迪巴連場失分已跌落下游，為求搶分必先做好防守；山度士客場火力亦弱，一於捧2.5球細盤。（周二早上7時開賽）

哥列迪巴早前聯賽4連敗後，雖然稍為回穩，但近4仗只得1勝3負，幾乎場場有失波，逐漸跌入護級漩渦，今仗更有左閘艾基迪奧坐波監，為搶分必先鞏固防線。佢哋近8仗聯賽主場，有6次開2球或以下，明顯喺自己地頭都偏向保守。

山度士作客火力弱
山度士自從南球盃出局後，近6仗取得3勝2和1敗，其中5次開2球或以下，踢法相當穩陣。事實上佢哋今季聯賽9場作客和咗5次，夾埋入得6粒，可見球隊客場攻力超弱。連盃賽在內，山度士近4仗作客全開2球或以下，今場細盤乃不二之選。