漢堡繼續吹「細」風|東方日報

兩強相遇以守代攻
德乙今晚爆發激戰，漢堡主場迎戰達斯泰特。兩隊開季同錄得3勝1負，近況相若，今仗強強對碰必踢得謹慎，其中主場出擊嘅漢堡踢法保守，而且防守力強，計埋上季尾賽事，聯賽連德國盃近7仗全開2球或以下，相信今場入球唔會多，中位數開到3.5球，捧入球細穩陣。
（on.cc東網周六凌晨零時30分直播）

達斯泰特近3仗零失球
漢堡近年一直係德乙爭標分子，今季表現亦對辦，前鋒基列素及高歷施多法均已開齋，身高6呎4吋嘅基列素近4仗攻入3球，腳風甚順，係球隊進攻火力來源。不過漢堡踢法保守，每仗入球唔多，防守亦硬淨，暫時入球數字係前4隊中最少，計埋上季尾兩場升班附加賽對哈化柏林及今季德國盃，近7仗全開2球或以下，入球細值得跟進。

達斯泰特上季同漢堡鬥得激烈，最後僅因得失球差不及漢堡而錯失升班附加賽席位，主要因為失球太多，該隊近期防守表現有所改善，近3仗均保持不失，進攻上由前鋒菲臘堤亞斯及進攻中場馬雲美林負責。兩隊近年交手互有勝負，但對上一次碰頭，達斯泰特就淨吞漢堡5蛋，相信今仗會做好防守，唔敢亂攻。