熱刺搶韁捧「第一隊入球」|東方日報

歐聯D組賽事，英超勁旅熱刺主場迎戰法甲馬賽，熱刺嘅實力喺呢組明顯超班，為免夜長夢多會盡早爭取出線，挾英超開季強勢狂攻馬賽，今場有力早開紀錄，博熱刺「第一隊入球」！（Now644周四凌晨3時直播）

熱刺今季大事增兵後，球員信心十足，尤其鋒線加入巴西國腳李察利臣之後，令哈利卡尼、孫興民等可以毫無保留進攻，而且效率極高，經常能夠一針見血。熱刺聯賽至今保持不敗，而且近4仗都係先開紀錄一隊，值得留意。

馬賽實力低一截
作客嘅馬賽今季法甲成績突出，不過佢哋之前踢歐聯成績慘淡，對上15場歐聯輸足14場，而且近8場歐聯都係先失波，證明佢哋同歐洲勁旅嘅實力仲有好大差距，今場作客更加信唔過，一於捧熱刺「第一隊入球」。