主場例踢穩陣波 帕托拿圖半和好路|東方日報

聽朝早阿甲賽事，帕托拿圖主場迎戰羅沙里奧中央。阿甲球隊偏向穩陣，帕托拿圖都唔例外，佢哋近期大踢穩陣波，近5仗有3場保持不失，尤其上半場非常保守，近9場8次開出半場和，今場對住羅沙里奧中央，半場和不容錯過。（周三清晨5時開賽）

帕托拿圖現時位處聯賽中游位置，19戰7勝6和6負，成績不過不失，主場表現較穩定，近6仗主場4勝2和不敗，當中近3仗主場都保持不失，防守相當可靠，今仗主場出擊，搶分問題不大，不過佢哋攻力只屬有限公司，前鋒莊拿芬靴里拉今季僅入3球，近3仗主場有兩場踢成0比0，捧主勝有風險。

羅沙里奧中央攻力欠奉
客隊羅沙里奧中央係阿甲老牌勁旅，不過近年成績一般，現時排中下游位置，同樣都係主場成績較佳，近4仗聯賽作客只得2和2負，而且攻力比帕托拿圖更差，今季19仗僅入15球，19歲新星前鋒華利斯近6仗交白卷，預計佢哋今仗將會死守博攞1分，同帕托拿圖鬥磨之下，半場和更穩陣。