烏軍升班“蘭”唔住|澳門日報

烏軍升班“蘭”唔住

歐國聯B1組烏克蘭今晚主場鬥蘇格蘭，烏軍上輪大炒阿美尼亞狀態十足，耶莫蘭高、耶林卓克領軍目標再贏一仗，反壓蘇格蘭取得升班A級聯賽的資格。

烏克蘭上輪作客阿美尼亞，憑添治、蘇布哥夫、杜夫比克及恩拿坦高等人入球大勝五比一，賽後繼續兩分落後榜首的蘇格蘭，今仗贏波即反壓後者進佔榜首、取得升班A級聯賽資格，戰意肯定十足。前鋒耶林卓克、耶莫蘭高護球能力強，蘇布哥夫、恩拿坦高、迪斯根哥夫等更多後上得分機會，基維索夫、卡查拉巴為首的防線上輪力保不失助信心提升，勢爭一勝搶得升班資格，為深陷戰火的球迷帶來一點快樂。

蘇格蘭上輪二比一力克愛爾蘭，賽後繼續兩分力壓烏克蘭排榜首，煞科戰和波足夠保住升班資格，奈何作客一勝一負未算出色，阿當斯、迪基斯、麥湯米尼、岩士唐等表現待進一步提升，面對主隊來勢洶洶，保不敗離場亦唔易做到。

愛爾蘭撼阿美尼亞

同組愛爾蘭主場鬥阿美尼亞，愛軍暫一分領先對手排尾三，今仗不敗已足夠保住B級聯賽席位。雖然上場不敵蘇格蘭全失三分，幸對手阿美尼亞上場慘敗輸五球狀態更差，主場出擊的愛爾蘭有望贏波重敲勝鼓。