青年人作客曳撐山度士上盤|東方日報

巴甲今輪壓軸戰，山度士主場鬥榜尾嘅青年人。力爭下屆南球盃入場券嘅山度士，距離前10只係3分之差，仲有機會出席下屆南美賽事，3分志在必得；青年人近7場作客全敗，今場好難爆冷，山度士讓一球照捧上盤。（周二早上7時開賽）

搶分爭出席南球盃
褪色勁旅山度士近年主要喺中游徘徊，唔計省聯賽，最近一次捧盃已經係2011年南美自由盃同翌年嘅南美超級盃，今年佢哋仍然要為一張南球盃入場券張羅。今季佢哋打起咗19歲巴西前鋒馬高斯李安納度，呢位自家青訓產品，今季為球隊射入10球，預計喺青年人身上搵到食。

青年人上周中主場同哥連泰斯踢成2比2，4和7負將不勝紀錄加到11場，而且佢哋作客堅唔掂已經7連敗，山度士必把握對手頹勢博反彈，上盤玩得過。