「1哥」漢堡明恰聖保利|東方日報

周六凌晨德乙大戰，聯賽「1哥」漢堡作客下游分子聖保利，兩隊實力有一定差距，以重返德甲為目標嘅漢堡會火力全開，延續今季作客全勝嘅驕人走勢，今仗捧客W穩陣！
（on.cc東網周六凌晨零時30分直播）

連續5場作客贏晒
漢堡自2018年首次降班德乙後，爭升班之路好似撞邪一樣，過去4年都係「差少少」，上季就喺升降班附加賽飲恨。今季漢堡決心十足，開季已經撻着晒，近6場聯賽5勝1和，佢哋今季最成功嘅地方，係作客表現非常優秀，5場聯賽作客全部贏晒，而且每場至少攻入兩球，射手基列素更加係弗到冇朋友。

相反聖保利走勢令人擔心，佢哋已經兩個月未試過贏波滋味，對上7場聯賽4和3負，上場對住同級嘅布倫瑞克都輸波，今場漢堡有力打落水狗，客勝在望。