馬體會迎擊利華細均力敵|東方日報

今晚歐聯B組生死戰，西甲馬德里體育會主場火併德甲利華古遜。兩隊目前分別排小組尾兩位，出線形勢絕不樂觀。馬體會一向踢慣防守足球，喺淘汰賽或者有效，但要搶攻爭勝明顯唔係佢哋所長，未必咬得入利華古遜，博2.5球入球細好過。（Now646周四凌晨3時直播）

馬體會今屆歐聯成績令人失望，近3場冇入波只得1分，陷於出局邊緣。教練施蒙尼的防守性踢法再次曝露鋒力不足弱點，前線單靠基沙文單天保至尊，想撕破對手防線甚有難度，睇番佢近8仗歐聯7次總入球開2球或以下，縱使今場急需3分，球員想入波恐怕有心無力。

利華古遜望踢出鬥志
利華古遜聘請西班牙名宿沙比阿朗素領軍後，表現都係冇乜起色，已經3仗不勝，上仗打和禾夫斯堡總算成功止血，今場只求踢番出良好鬥志，至少保持不敗。沙比阿朗素對西班牙足球非常熟悉，或者有辦法對付馬體會，入球細值得捧場。