射手晒冷同費倫鬥攻 A米搶分大過天|東方日報

今晚意甲「米蘭雙雄」分途出擊，上季冠軍AC米蘭正在力追榜首拿玻里，1分都不能少，今仗主場對費倫天拿勢必搏盡爭勝。A米射手基奧特停賽後復出，攻力有保證，但防線不穩有一定隱憂，考慮到A米近5場聯賽主場有4次總入球開3球或以上，博中位數2.5球嘅入球大。（Now638周一凌晨1時直播）

AC米蘭攻強守弱問題嚴重，中前場猛將如雲，基奧特、拉菲爾利亞奧、巴謙戴亞斯都係獨當一面嘅進攻好手，攻力毋庸置疑，單計近3場聯賽主場已合共轟入8球。不過A米防線多甩漏，近10場聯賽只有兩場保持清白之身，今仗壓前搶攻，隨時會被對手反擊得手。

阿特蘭大國米捱細界
事實上，費倫天拿狀態不俗，各項賽事取得5連勝，即使近5場作客亦贏咗4場，合共轟入11球，遇上A米嘅脆弱防線，絕對有機會入波，無懼同對手鬥攻。既然雙方踢法進取，最好揀入球大。

另一場阿特蘭大主場對國際米蘭，阿特蘭大表現走下坡，近4仗輸3場，包括榜首大戰不敵拿玻里，早前對另一支前列球隊拉素，亦以0比2敗陣，錄得主場2連敗。

國米亦唔好得去邊，今季聯賽不敵拉素、羅馬、AC米蘭及祖雲達斯，加上近6場聯賽作客輸4仗，預料今場難以擊敗阿特蘭大。睇番雙方近7次對賽，有6次總入球開2球或以下，寧願捧中位數2.5球嘅入球細。（Now638周日晚7時30分直播）