雷加利斯擅拉布捧半和|東方日報

今晚西乙中游對決，雷加利斯主場硬撼薩拉戈薩。兩軍近期表現夠硬淨，同樣保持多場不敗，可留意雷加利斯初段喜愛以守代攻，加上薩拉戈薩作客麻麻唔敢亂攻，戰情隨時膠着，半場和捧得過。（周二凌晨4時開賽）

查實雷加利斯只係比薩拉戈薩多兩分，雷加利斯近9仗聯賽錄4勝5和不敗，上次喺聯賽輸波已經係10月中不敵利雲特，佢哋最叻就係喺比賽初段玩拉布，今季開咧至今打咗20場聯賽，其中有一半係半場打和，若單計近4仗聯賽，亦全部開半場和，當中3仗半場波膽為0比0，可見佢哋喺比賽初段特別謹慎。

薩軍作客踢法保守

另一邊廂，薩拉戈薩經歷早前低潮後，近5仗聯賽錄得2勝3和，表現回穩。不過薩拉戈薩客場戰績一般，今季10仗作客聯賽僅得2勝3和5負，入得6球及只失9粒，明顯客場出擊分外保守。值得留意嘅，係薩拉戈薩近6仗作客聯賽，有5次開半場和，呢5仗半場全開0比0，似乎與雷加利斯一樣都係「太極高手」，半場和值得捧場。