史雲斯冇態開細畀里睇|東方日報

英足盃第3圈重賽，史雲斯主場迎戰布里斯托城，兩隊同屬英冠中下游，實力差距唔算明顯，上場英足盃交鋒亦打成1比1平手，踢落旗鼓相當，由於兩隊波嘅鋒力都唔強，淘汰賽務必穩陣行先，今場開2.5球入球細機會較高。（周三凌晨3時45分開賽）

史雲斯近期狀態飄忽，就連主場出擊都冇乜優勢，近4仗主場得1勝1和2負，主力前鋒奧巴菲美上月被領隊馬田炮轟狀態差勁後，已被打入冷宮，另一前鋒占美柏達臣亦盛傳即將轉會，同樣唔會上陣。史雲斯前鋒人腳捉襟見肘，火力令人懷疑。

布里斯托城專注防守
布里斯托城今季防守唔差，尤其作客賽事專注防守成效顯著，對上4場作客保持不敗，近6仗作客有5仗總入球開2球或以下。今場重賽勝方，喺第4圈會對英冠西布朗或者非聯賽球隊車士打菲特，絕對有機會繼續晉級，兩隊爭出線會先求穩陣，細盤穩開。