伊巴態勇上盤米走雞|東方日報

西乙升班大戰，近況大勇嘅「1哥」伊巴作客米蘭迪斯，大有機會爭取5連勝。伊巴近期防守滴水不漏，法國傳奇施丹囝囝盧卡把關非常可靠，有力帶領伊巴鞏固榜首位置，今仗小讓平半，上盤值得捧場！

伊巴上季喺升班附加賽出局，今季決心爭取重返西甲，近期表現相當對辦，聯賽4連勝兼1球不失，依家領先次席ＣＦ格蘭納達1分兼踢少1場，今仗當然希望再下一城。

米蘭迪斯戰意難靠
伊巴有24歲嘅盧卡把關，呢位傳奇後代今季聯賽20次上陣，有12場保持不失，包括最近5場聯賽作客4次「零封」對手，亦係伊巴近4場作客3勝嘅主因，球員信心爆棚。

主隊米蘭迪斯依家排喺聯賽榜第13位，爭入升班附加賽機會渺茫，同時亦唔愁降班，球員未有強大戰意，難阻狀態大勇嘅伊巴，上盤值得捧場。