波斯尼亞新帥首戰蓄細待發|東方日報

歐國外J組整體實力平均，除葡萄牙超班之外，幾隊都有機會爭奪出線資格，其中波斯尼亞首仗主場鬥冰島就係關鍵戰之一。波斯尼亞球員質素較高，不過新帥夏斯貝積首次領軍唔會太進取，面對防守力強嘅冰島隨時變成拉鋸戰，博2.5球入球細好路。

（周五凌晨3時45分開賽）
波斯尼亞喺上年歐國聯拎到升班A組資格，不過球隊仍然決定換帥，新領隊夏斯貝積選入羅馬中場泰希路域等新兵，為未來發展鋪路，將帥首度合作好難即刻撻着。波斯尼亞喺歐國聯嘅成績，已確保歐國外附加賽資格，爭取小組前2名嘅壓力相對較細，面對爭出線嘅勁敵冰島可以大踢穩陣波。

冰島穩守突擊夠頑強
冰島球員以體力同鬥志見稱，最擅長穩守突擊踢法，對任何球隊都係先求穩守，佢哋近8場比賽有7場總入球開2球或以下，今仗再開2.5球入球細機會高。