駁火！求上岸 Vs 爭升班 周三靚盤揀車頓咸大|東方日報

周中英甲賽事，車頓咸主場迎戰錫周三。排聯賽次席嘅錫周三雖然牌面較高，不過近3仗只得1分嘅頹勢，令佢哋爭升班出現危機，相反護級嘅車頓咸近期愈戰愈勇，為盡早「上岸」會繼續搶攻。兩隊依家都急於搶分，預計今仗會駁火，開2.5球入球大機會高。（周四凌晨2時45開賽）

近3次對賽全開大
今季大部分時間處於降班漩渦嘅車頓咸，近4場聯賽拎到3勝1和佳績，逐步遠離降班區域，今仗乘主場之利，誓必食住個勢全力爭勝，近2場聯賽入6球嘅火力亦值得信賴，射手艾菲美爾近4場入4球，加上中場有奧利恩卡鋪橋搭路，有足夠籌碼踢進攻足球。

作客嘅錫周三近期頻頻失分，直接升班資格受到動搖，同樣要把握機會重振雄風，領隊戴倫摩亞賽前表明會調整進攻戰術，希望回復英甲入球第4多嘅威力。兩隊向來對戰都踢得開放，近3次交手總入球全開3球或以上，2.5球入球大值得捧場。