列斯聯李城護級大作戰|東方日報

今晚英超上演一場護級大混戰，列斯聯主場迎戰李斯特城，兩隊目前形勢水深火熱，呢場「6分波」大戰誓要踩住對手爭上岸，踢法上會盡地一煲搶攻。兩隊今季都唔係好識防守，今仗好可能係開放式對攻大戰，捧2.5球入球大穩陣。（Now621及611周三凌晨3時直播）

列斯聯上仗作客1比2輸畀富咸，聯賽錄得3連敗，依家同降班區只有1分差距，主場出擊唔可以再有差池。列斯聯踢法一向有前冇後，查維加西亞季中接手後未有改變，近期頻頻出現大手交易，近7仗總入球全開3球或以上，包括對上兩次主場輸1比5同1比6。

兩將復出鋒線齊腳
李斯特城自從請甸恩史密夫執教後，力圖加強進攻搶分，上仗就以2比1反勝狼隊拎到寶貴3分，佢哋本身擁有伊恩拿祖、占美華迪等攻擊好手，今場更有占士麥迪臣同哈維班尼斯復出，鋒線人腳齊整，對住防線穿窿嘅列斯聯會主動出擊，開2.5球入球大機會極高。