紐卡素托弗轟列搶W_東方日報

英超歐洲賽同護級競爭激烈，列斯聯今晚主場迎戰紐卡素，就關係到兩個戰區嘅大局。排尾2嘅列斯聯早前請到「護級專家」艾拿戴斯執教，不過球隊頹勢難止，今仗對住要為歐聯資格搏命嘅紐卡素，搶分機會極微，「喜鵲」客勝趁熱食！

（ViuTV 96台、Now 621及611周六晚7時30分直播）

列斯聯依家排喺聯賽榜尾2，距離安全區只有2分，護級尚未絕望，所以球會早前亦再度換帥，搵艾拿戴斯幫手救亡。不過「大Sam」教波向來重守輕攻，同列斯聯一向崇尚進攻嘅踢法格格不入，球隊運作同信心都出現嚴重問題，唔係單靠換帥刺激鬥志就能夠彌補。

列斯聯焗攻防線易出事
列斯聯上場1比2不敵曼城後，近6場聯賽只有1和5負劣績，而且生死關頭唔到艾拿戴斯採取「1分政策」，一旦夾硬同紐卡素搶攻，條豆腐防線好大機會出事。

紐卡素上場輸畀阿仙奴後，前4位置仍未穩陣，今仗會盡全力爭勝鞏固歐聯資格。其實紐卡素近況極好，上輪就算輸波亦有出色發揮，而且佢哋近期作客賽事演出穩健，對上5仗聯賽作客拎到4勝，今仗好大機會再下一城，客W值博。