錘仔列斯聯大激鬥_東方日報

今晚英超早場由韋斯咸主場迎戰列斯聯，「錘仔幫」剛於上周中打入歐協聯決賽，士氣大振，今仗勢必乘勝追擊，預料會強攻對手。至於列斯聯急需要搶分護級，近期踢法非常進攻，加上近11場英超有10場總入球開出3球或以上，中位數2.5球嘅入球大值得追捧。（Now 621周日晚8時30分直播）

韋斯咸主場謝幕必搏盡
韋斯咸上仗歐協聯4強次回合作客以1比0擊敗阿爾克馬爾，兩回合「雙殺」呢支荷甲球隊，表現令人刮目相看。事實上，「錘仔幫」不時有佳作，近4次主場取得3勝，包括擊敗勁旅曼聯，整體表現不俗，今仗聯賽主場謝幕戰，相信會採取積極踢法，力爭贏波答謝球迷一季嘅支持。

另邊廂，排尾三嘅列斯聯餘下兩場聯賽，必須力爭全勝，否則好大機會降班，惟有豁出去一搏。雖然列斯聯近7場英超不勝，但表現並唔太差，上仗迎戰強隊紐卡素，都主動出擊，結果打和2比2，作客對住曼城亦取得入球，今仗該能攻破韋斯咸防線。睇番雙方近4次交鋒亦有3次總入球達到3球或以上，今仗開大機會甚高。