日耳曼班霸喪攻大隆鳳_東方日報

煞科日另一焦點賽事，連續10季奪冠嘅拜仁慕尼黑，將會作客無欲無求嘅科隆，拜仁今仗除咗必須取勝，仲要寄望多蒙特失分先能夠衞冕，至於科隆近期放開懷抱喪攻，加上雙方近年交手多次上演入球騷，睇好3.5球入球大。

（周六晚上9時30分開賽）
科隆排緊第10，今場勝負對佢哋無關痛癢，不過主場謝幕戰點都要向球迷交代，而且佢哋上次主場就曾以5比2大勝哈化柏林，前鋒戴菲沙爾基同中場艾耶斯史基尼各建一功，甚至連中堅侯巴斯都梅開二度，可見佢哋踢得幾開放，今場就算對手係爭標嘅拜仁，相信都唔會有任何顧忌，繼續喪攻。

對賽科隆旺入波
拜仁上仗1比3意外不敵RB萊比錫，關鍵時刻痛失榜首；今場煞科戰極可能會受到另一場影響，咩事都有可能發生，但拜仁始終係實力較強嘅一方，點都會盡力爭取贏波，再寄望另一場有奇迹出現，但既然雙方近8次聯賽交手6次開4球或以上，3.5球入球大更值博。