紅鑽鬥三箭吼實半場和_東方日報

周三晚有日職獨腳戲，浦和紅鑽主場迎戰廣島三箭，兩支老牌球隊實力接近，加上以往交鋒經常陷入拉鋸局面，今仗碰頭屬於五五波，特別係紅鑽往往留前鬥後，近6次主場出擊有5次上半場和波，預料將會繼續採取相同戰術同對手周旋，一於博半場和。（周三晚6時30分開賽）

浦和紅鑽現時排第6位，比第4位廣島三箭少2分，但踢少對方1場，可見雙方實力旗鼓相當。紅鑽狀態相當不俗，包括盃賽在內，近4仗取得3勝1和，但要留意其中3仗上半場打和，主場對川崎前鋒更加係上半場落後，全靠換邊之後連入兩球反勝。因此，紅鑽遇上勁敵廣島三箭，預料會踢穩陣戰術，避免再次落後而陷入苦戰。

實力接近鬥穩陣
另一邊廂，廣島三箭上仗靠比賽後段博到12碼，小勝湘南比馬1比0，總算結束3連敗走勢，有助提升士氣。球隊難得重回勝軌，為咗避免再次敗陣而回，相信會先做好防守，特別係上半場要爭取站穩陣腳，再謀反擊，應該唔會冒進。三箭最近1次作客浦和紅鑽，打和0比0，選擇半場和最穩陣。