波杜基林特閃耀挪超_星島日報

歐洲五大聯賽就嚟收爐，但唔使愁無波睇嘅。目前喺歐洲北部，艾爾幾留意嘅瑞超同挪超都開咗波。其中挪超係「布歐」艾寧夏蘭特嘅誕生地，當年喺莫迪聞風喪膽嘅表現，令球隊喺國內稱霸多時。不過近年莫迪就唔可以成日做「一哥」，因為有隊「黃黑戰隊」波杜基林特突然崛起。

波杜基林特以往只係喺甲、乙組徘徊，2018年首度升上挪超之後，由古辛擔任教練一職，執教三季成功帶領球隊拎到首個挪超冠軍。該季球隊喺聯賽入咗103球，創下挪超單季入球總數最多嘅紀錄。有睇開歐洲賽事嘅朋友，相信仲記得波杜基林特喺歐協聯分組賽，主場以6比1大炒羅馬，足以證明呢隊波冒起得好快。

呢支黃黑戰隊英文名叫Bodo/Glimt，中文譯名係「波杜閃耀」，近季球隊能夠喺挪超發光發亮，除咗因為教練古辛嘅功勞外，球隊攻力得以保持係最關鍵。32歲射手艾馬柏歷堅奴今季9戰入9球，連同新加盟嘅前鋒莫恩巴拿，波杜基林特嘅進攻火力唔需要懷疑。今次作客華拉倫加，先推介入球大細3.5入球大。另外仲有幾支挪超球隊今季值得留意，艾爾有機會再同各位分享。艾爾