馬模主場出擊演入球騷_東方日報

周二凌晨瑞典超賽事，馬模主場迎戰迪加科斯。馬模開季8連勝盡顯霸氣，但係近兩仗面對爭標對手卻連環失分，為確保爭霸機會，今仗返主場出戰不容再失。適逢今場對手迪加科斯實力較弱，絕對係馬模反彈好機會，主隊隨時大開殺戒，3.5球入球大值得捧場。（周二凌晨1時10分開賽）

瑞典超季初形成3強爭霸格局，馬模近兩仗對住爭標大敵赫根同艾夫斯堡只搶得1分，開季8連勝嘅優勢一下子消失，當然要盡快重響勝鼓。馬模踢法極具侵略性，尤其喺主場會放手大踢進攻足球，佢哋近4仗主場狂入12球，近3仗主場總入球更全開4球或以上。

迪加科斯作客腳軟
迪加科斯今季以護級為目標，可惜球隊實力非常有限，今季作客4連敗，對上兩輪作客分別0比6不敵哥登堡，以及1比6慘敗於赫根腳下，豆腐防線形同虛設，今仗開出3.5球入球大機會甚高。