瑞典超：哈馬比防綫不穩 敲布洛馬波卡納冷W_星島日報

足智彩球賽編號：FB2388
哈馬比 VS 布洛馬波卡納
香港時間周六凌晨1:00開賽
推介：客勝

以往每逢周五，都會有俄超、德乙、荷乙等賽事考球迷眼光，但因為歐洲主流聯賽已經煞科，球賽大幅減少，因此足智彩今晚開盤不多，其中一場就是瑞超賽事，由哈馬比主場對布洛馬波卡納。這場比賽雖然瞄頭麻麻，但站在投注角度卻是另一回事，皆因布洛馬波卡納近況非常出色，只不過因為作客關係才成為冷門。客W有分頭，絕對值博。

瑞超升班馬布洛馬波卡納經過半個月的適應期後，表現漸入佳境，近8輪聯賽6勝，今輪前進佔聯賽榜第5位。該隊今晚瑞超作客近況低迷的哈馬比，陣中射手彼德臣有信心再取士哥，助客軍延續勝果，一於冷敲4.45倍客勝。

升班馬布洛馬波卡納季初出閘脫腳，先在瑞典盃3戰全敗，瑞超開鑼後頭3仗又接連不敵佐加頓斯、馬模和艾夫斯堡3支勁旅，6場各賽事1分都搶不到之餘，期間入6球失17球。??

幸好布洛馬波卡納經過半個月適應期後，終於站穩陣腳，第4輪主場2:0擊敗米贊比，打開聯賽勝利之門，之後表現愈戰愈勇，連同上輪作客2:0淨勝諾高平，近8輪瑞超豪取6勝1和1負的佳績，本輪前進佔聯賽榜第5位，是近期瑞超走勢最佳的球隊之一。

而該隊前鋒彼德臣近期腳風轉順，過去4輪聯賽隔場就有士哥，瑞超共累積入4球。彼德臣上仗交白卷，根據攤路今仗應該有士哥。至於上仗對諾高平射入埋齋球的富斯臣，過去4輪同樣貢獻兩個入球，今仗勢與彼德臣攜手撕破哈馬比的豆腐防綫。

相反，主隊哈馬比於4月尾開始表現每況愈下，上輪瑞超作客0:0和咸史達斯，近8輪聯賽僅曾主場4:3擊敗佐加頓斯，錄得1勝4和3負的劣績，狀態遠遜於同期6勝的客軍。

後防欠穩是哈馬比的致命傷，他們經過12輪聯賽後共失了20球，屬瑞超失球第3多的球隊。只計主場哈馬比近2仗亦失掉5球，今仗地頭出擊亦靠不住，一於冷敲客勝。星島波神